Były hienprakuror Ukrainy: Ja liču, što zakazčyk zabojstva Šaramieta — adzin z deputataŭ. Ale proźvišča nie skažu
Da zabojstva žurnalista Paŭła Šaramieta moža być datyčny adzin z ukrainskich deputataŭ, jaki i ciapier zajmaje davoli vysokuju pasadu.
Takuju zajavu zrabiŭ eks-hienprakuror Viktar Šokin u intervju «Krainie».
Viktar Šokin
«Čałaviek, jaki, jak ja liču, u hetym udzielničaŭ jak zakazčyk, zajmaŭ raniej i zajmaje ciapier davoli vysoki post», — skazaŭ jon.
Pry hetym nazyvać proźvišča publična eks-čynoŭnik admoviŭsia.
«Ale ja miarkuju i, jak kazaŭ raniej, praktyčna ŭpeŭnieny… Kab skazać z harantyjaj, nieabchodna pravieści śledčyja dziejańni peŭnaha charaktaru. Pryčym tam zusim niašmat patrebna zrabić. Ja ŭžo prapanoŭvaŭ, što dla hetaha nieabchodna — prosta viarnuć hrupu, jakaja rasśledavała spravu ab zabojstvie žurnalista Hieorhija Hanhadze… Tyja, chto viaduć spravu Šaramieta, mianie vydatna zrazumieli. Ja sustrakaŭsia z kalehami, jakija viali historyju pa Hanhadze — jany ličać, što ŭ maich słovach jość jak minimum značnaja dola praŭdy. Heta nie 100%, i treba heta pravieryć — usio zojmie miesiac, nie bolš. Tady možna było b pastavić kropku ŭ hetaj spravie. Suviaź pamiž hetymi spravami, chutčej za ŭsio, jość», — skazaŭ Šokin.
Pavieł Šaramiet byŭ zabity ŭ centry Kijeva 20 lipienia 2016 hoda
