Ejsmant: Kačanava telefanavała ŭdzielnicy Pussy Riot Volzie Kuračavaj, pretenzij da dziaŭčat u Biełarusi niama
Z udzielnic hrupy Pussy Riot Volhi Kuračavaj i Vieraniki Nikulšynaj źniata zabarona na ŭjezd u Biełaruś. Pra heta Tut.by raspavioŭ kiraŭnik Departamienta hramadzianstva i mihracyi Alaksiej Biahun. Pres-sakratar prezidenta Natalla Ejsmant paćvierdziła, što ź dziaŭčatami źviazvałasia kiraŭnik Administracyi prezidenta Natalla Kačanava.
Litaralna na nastupny dzień Kuračavaj patelefanavała kiraŭnik Administracyi prezidenta Natalla Kačanava.
— Kiraŭnik Administracyi, sapraŭdy, pa daručeńni prezidenta źviazvałasia napiaredadni z Volhaj Kuračavaj. Hałoŭnaje, što było adznačana ŭ razmovie — heta toje, što ni pytańniaŭ, ni pretenzij da hetych dziaŭčat u Biełarusi niama, — raspaviała pres-sakratar prezidenta Natalla Ejsmant.
Kiraŭnik Departamienta hramadzianstva i mihracyi Alaksiej Biahun raspavioŭ, što zabarona źniata ź siońniašniaha dnia, z 19 červienia, heta rašeńnie MUS.
— A na jakoj padstavie zabaronu ŭviali?
— Nu, jany ž siabie prajavili na čempijanacie śvietu pa futbole ŭ 2018 hodzie [u Rasii]. I ŭ metach prafiłaktyki, kab u nas nie paŭtaryłasia takaja historyja, zabarona była ŭviedziena.
— Dyk čamu zabaronu źniali? Vyrašyli, što jany vypravilisia?
— Bo znajšli razumieńnie, što hetaha nie paŭtorycca. Razumieńnie znajšli ŭ indyvidualnym paradku: ź imi źviazalisia supracoŭniki MUS, - rastłumačyŭ Biahun.
Nahadajem, padčas finału ČS-2018 aktyvisty hrupy Pussy Riot, u liku jakich byli Piotr Viarziłaŭ, Vieranika Nikulšyna, Volha Kuračava vybiehli na pole «Łužnikoŭ» z akcyjaj «Milicyjant ustupaje ŭ hulniu». Udzielniki byli zatrymanyja i pa sudzie atrymali 15 sutak aryštu.