U Biełharadskaj vobłaści dron zabiŭ u aŭtobusie šeść čałaviek. Kažuć, heta byli supracoŭniki śvinakompleksu
Jak paviedamiŭ hubiernatar rehijona Viačasłaŭ Hładkoŭ, atacy padvierhlisia «Hazeli» z supracoŭnikami adnaho z najbujniejšych vytvorcaŭ śvininy ŭ Rasii, šaściora čałaviek zahinuli. Jašče 35 paciarpieli, siarod ich dvoje dziaciej, adnaho mužčynu ŭ ciažkim stanie apierujuć, piša RBK.
Fota: Mash
Atacy padvierhlisia dźvie «Hazeli», jany vieźli supracoŭnikaŭ na pradpryjemstva, heta adbyłosia kala vioski Biarozaŭka, udakładniŭ Hładkoŭ.
«Ahra-Biełahorje» ŭvachodzić u lik viadučych vytvorcaŭ śvininy ŭ Rasii, heta adna z najbujniejšych pa kolkaści supracoŭnikaŭ kampanija ŭ rehijonie, usiaho ŭ joj pracujuć prykładna 9 tys. čałaviek, Usia vytvorčaść znachodzicca ŭ Biełharodskaj vobłaści.
Pavodle źviestak Hładkova, paranienyja 35 čałaviek, siarod ich dvoje dziaciej z paviarchoŭnymi traŭmami. Ciapier daktary apierujuć mužčynu z pranikalnym ranieńniem brušnoj połaści, jaho stan aceńvajuć jak ciažki. Astatnija atrymali askiepkavyja ranieńni roznaj stupieni ciažkaści, ich dastavili ŭ miascovyja balnicy.
