Kadyraŭ — dahiestancam: Vy mianie viedajecie dobra. Palcy pałomim, jazyk vyrviem VIDEA

Kiraŭnik Čačni Ramzan Kadyraŭ pryhraziŭ karystalnikam sacsietak z Dahiestana «pałamać palcy» i «vyrvać jazyk» z-za abraźlivych kamientaroŭ u sacsietkach. Pra heta jon skazaŭ u žyvym efiry ŭ svaim Instagram.

My pridiom v vaš dom. Połomajem palcy, vyrviem vaš jazyk.
Vot takije činovniki u Putina rabotajut.
S Dnom Rośsii Vas!https://t.co/xfUCQMBcZqpic.twitter.com/TfP8cwrXia

— Dohoniaj! Je7Y09 (@mix_voronezh) 12 ijunia 2019 h.

Pryčynaj niezadavolenaści karystalnikaŭ z Dahiestana stała ŭstanoŭka znaka «Čačenskaja Respublika. Šałkaŭski rajon» na miažy dźviuch rasijskich respublik, jaki paźniej źnieśli pratestoŭcy z Dahiestana.

«Kali vy abražajecie maju kroŭ, rod, moj narod, heta dla mianie važniej za ŭsio. Tamu za jazykom sačycie, za palcami sačycie, a to my palcy pałomim, vyrviem jazyk vam. Majcie na ŭvazie, my ni adzin pravakacyjny kamientar abo videapublikacyju nie pakiniem. Vy mianie viedajecie dobra, ja lublu za svaje słovy adkazvać», — zajaviŭ Kadyraŭ.

Kiraŭnik Čačni taksama adznačyŭ, što miascovyja siłaviki «pryjduć i pahrukajuć u chaty» da tych, chto budzie pisać abraźlivyja kamientary suprać čačenskaha naroda.

10 červienia hrupa dahiestancaŭ źniesła raniej ustalavanuju tabličku na miažy pamiž nasielenym punktam Kiźlar (Dahiestan) i Šałkaŭskim rajonam Čačni.

Pryčynaj niezadavolenaści žycharoŭ Dahiestana stała ŭstanoŭka znaka na sprečnym učastku, pobač ź miažoj.

NN.by

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0