Surkoŭ pra rasijskija pašparty dla žycharoŭ «DNR»: Heta abaviazak pierad ruskamoŭnymi
Pamočnik prezidenta Rasii Uładzisłaŭ Surkoŭ zajaviŭ, što rašeńnie Uładzimira Pucina pra vydaču žycharam akupavanaha Danbasa rasijskich pašpartoŭ źjaŭlajecca abaviazkam uładaŭ Rasii pierad «ludźmi, jakija havorać i dumajuć pa-rusku».
Pra heta jon zajaviŭ TASS.
«Heta doŭh Rasii pierad ludźmi, jakija havorać i dumajuć pa-rusku, jakija ciapier apynulisia ŭ vielmi ciažkaj situacyi z-za represiŭnych dziejańniaŭ kijeŭskaha režymu. Ukraina admaŭlajecca pryznavać ich svaimi hramadzianami, uvodziačy ekanamičnuju błakadu, nie dapuskajučy ich na vybary, užyvajučy suprać ich vajennuju siłu», — zajaviŭ jon.
Pavodle jaho słoŭ, rašeńnie Pucina źjaŭlajecca «absalutna spraviadlivym i niepaźbiežnym».
«Atrymaŭšy pašparty, ludzi buduć adčuvać siabie bolš abaronienymi i svabodnymi», — padkreśliŭ pamočnik Pucina.
Nahadajem, rasijskija telehram-kanały miarkujuć, što Uładzisłaŭ Surkoŭ moža stać novym pasłom Rasii ŭ Biełarusi.