7 faktaŭ pra Alenu Zialenskuju, pieršuju łedzi Ukrainy
Vučyłasia ź Zialenskim u adnoj škole
Jany chadzili ŭ paralelnyja kłasy. Praŭda, tady Uładzimir nie źviarnuŭ na jaje ŭvahi: prychilnic u junaha Zialenskaha chapała. Razznajomilisia ŭžo paśla škoły, kali vypadkova sutyknulisia na vulicy. U Aleny ŭ rukach była kasieta ź filmam «Asnoŭny instynkt», i Uładzimir, kab mieć nahodu sustrecca znoŭ, paprasiŭ pahladzieć.
Fota hochu.ua.
Paśla błandynka ŭspaminała, što budučy komik začapiŭ jaje svajoj intelihientnaściu i daścipnaściu. U jaje, darečy, na toj momant byŭ bojfrend, ale dziaŭčyna addała pieravahu Zialenskamu.
Mama dvaich dziaciej
Zamuž za Uładzimira Alena vyjšła tolki praz vosiem hadoŭ paśla taho, jak jany pačali sustrakacca. Choć jaje baćki pieršapačatkova byli suprać ich sajuzu: ličyli Zialenskaha niesurjoznym i sumniavalisia, što jon zmoža zabiaśpiečyć siamju.
Ciapier u pary dvoje dziaciej: 14-hadovaja dačka Alaksandra i 5-hadovy syn Kirył. Saša lubić zajmacca muzykaj i ŭžo paśpieła zaśviacicca na telebačańni — paŭdzielničała ŭ šou «Raśśmiašy komika», dzie jaje tata siadzić u žury.
Piša scenaryi dla «Studyi kvartał-95»
Alena skončyła Kryvarožski techničny ŭniviersitet. Atrymała čyrvony dypłom i prafiesiju architektara. Ale pa śpiecyjalnaści pracavać nie stała — dałučyłasia da tvorčaj kamandy «Studyi kvartał-95». Alena, darečy, prapisvała piersanaža Zialenskaha ŭ sieryjale «Słuha narodu».
Była suprać, kab muž išoŭ u prezidenty
Alena razumieje, što, kali Uładzimir stanie pieršaj asobaj u krainie, heta całkam źmienić žyćcio ich siamji. Tamu nie padtrymlivała ideju bałatavacca ŭ prezidenty. Choć paśla vychadu sieryjała «Słuha narodu» kamientatary raz-poraz pisali, što Uładzimiru varta było b pasprabavacca na hetuju pasadu.
Ciapier žonka komika ŭžo źmiryłasia ź situacyjaj i starajecca padtrymlivać Uładzimira, u jakoha i tak chapaje chejteraŭ. U intervju Alena kazała, što, kali muž stanie kiraŭnikom krainy, nie budzie ŭmiešvacca ŭ jaho rabotu.
Dačka Saša taksama nie ŭ zachapleńni ad mahčymaha prezidenctva taty. Nie choča, kab jon rabiŭsia padobnym da tych palitykaŭ, jakich jana bačyć pa televizary.
Nie lubić publičnaści
Žonka Zialenskaha nie aktyŭničaje ŭ sacyjalnych sietkach. A paśla skandału z-za dopisu ŭ fejsbuku ad 2014 hoda, praź jaki Alenu ŭnieśli ŭ bazu dadzienych sajta «Miratvorac» jak voraha ŭkrainskaj dziaržavy, jana naohuł zajaviła, što moža syści z sacsietak.
«Mahčyma, hetym pastom ja i raźvitajusia z fejsbukam. Sa svaimi realnymi siabrami ja zmahu mieć znosiny i ŭ reale. A ŭsie astatnija… prabačcie, ale stamiłasia!» — napisała Zialenskaja ŭ svaim profili.
Fota iod.media.
Maje ŭpłyŭ na muža
Sama Alena kaža, što hałoŭny ŭ siamji — Uładzimir. Ale jon u intervju nie adnojčy adznačaŭ, što jamu važna mierkavańnie žonki. Zialenski časam navat nie kliča jaje na premjery filmaŭ sa svaim udziełam — kab nie zasmučacca z-za krytyki.
Vałodaje nieruchomaściu ŭ Kijevie i Krymie
Na Zialenskuju aformleny kvatery ŭ Kijevie i Livadzii (Krym) — płoščaj 284 kv.m. i 129,8 kv.m. adpaviedna. Plus va ŭkrainskaj stalicy jana sumiesna ź Siarhiejem Šefiram vałodaje niežyłym pamiaškańniem na 305,9 «kvadrata». A jašče razam z mužam źjaŭlajecca bienieficyjaram u kampanijach «Studyja kvartał-95», Aldorante Limited, Film Heritage inc, San Tommaso S.R.L.
