Žonka Uładzimira Zialenskaha trapiła ŭ śpis «Miratvorca», ale heta akazałasia pamyłkaj
Žonku kandydata ŭ prezidenty Ukrainy Uładzimira Zialenskaha Alenu Zialenskuju ŭnieśli ŭ bazu dadzienych sajta «Miratvorac». Jon publikuje infarmacyju pra tych, chto ŭdzielničaje ŭ bajavych dziejańniach u Danbasie na baku sieparatystaŭ i, na dumku arhanizataraŭ, źjaŭlajecca voraham ukrainskaj dziaržavy.
Pa viersii składalnikaŭ bazy, žonka Zialenskaha źjaŭlajecca «infarmataram bajevikoŭ niezakonnych uzbrojenych farmiravańniaŭ».
Sprava ŭ tym, što na staroncy Aleny Zialenskaj u fejsbuku znajšli dziŭny dopis za 2014 hod. Heta pierapost z supołki rasijskaha miedyja Life, u jakim prapanujecca dasłać videa pierasoŭvańnia ŭkrainskich vojskaŭ i atrymać 15 tysiač rasijskich rubloŭ (kala 400 dalaraŭ na toj čas).
Dopis nie supravadžajecca nijakimi kamientarami, tamu niezrazumieła, što chacieła im skazać Alena Zialenskaja. Sama jana nazvała situacyju hłupstvam.
U niadzielu stała viadoma, što abvinavačvańni byli pamyłkovymi i Alenu Zialenskuju sa śpisa «Miratvorca» vyklučyli.