Viktar Łukašenka atrymaŭ novuju pasadu
Fota Voli Aficeravaj
Pamočnik prezidenta Biełarusi pa nacyjanalnaj biaśpiecy Viktar Łukašenka budzie vykonvać abaviazki pieršaha vice-prezidenta Nacyjanalnaha alimpijskaha kamiteta zamiest Andreja Astaševiča, jaki skłaŭ paŭnamoctvy. Adpaviednaje rašeńnie pryniata siońnia na pasiadžeńni Vykankama NAK, paviedamlaje BiełTA
Kandydatura Viktara Łukašenki była prapanavanaja ŭ chodzie pasiadžeńnia vykankama i adnahałosna padtrymana. Jon budzie sumiaščać dadzienuju dziejnaść sa svajoj pracaj na pasadzie pamočnika prezidenta.
U dalejšym na Alimpijskim schodzie paśla zaviaršeńnia ŭ Biełarusi bujnych mižnarodnych spartyŭnych mierapryjemstvaŭ budzie vyrašacca pytańnie ŭ dačynieńni da kandydatury na pasadu pieršaha vice-prezidenta NAK.
U jakaści v.a. za Viktaram Łukašenkam u pieršuju čarhu zamacavany pytańni mižnarodnaha supracoŭnictva i padrychtoŭka da bujnych spartyŭnych forumaŭ u Biełarusi — II Jeŭrapiejskich hulniaŭ i lohkaatletyčnaha matča Jeŭropa—ZŠA, jaki projdzie ŭ vieraśni. Zajmacca hetaj pracaj jon budzie va ŭzajemadziejańni ź ministram sportu i turyzmu, a taksama kuryrujučym sport vice-premjeram.
