Łukašenka raspavioŭ, jak treba pracavać u hady vybaraŭ
president.gov.by
Alaksandr Łukašenka aryjentuje viertykal ułady na efiektyŭnuju pracu ŭ pieradvybarčyja hady. Pra heta jon zajaviŭ siońnia na sustrečy z aktyvam horada Baranavičy i Baranavickaha rajona, piša BiełTA.
«Treba staracca zavajoŭvać davier ludziej. Tym bolš u hetyja dva hady, kali my budziem zdavać ispyt. Ludziej kryŭdzić ni ŭ jakim razie nielha, ale i chłusić taksama im nielha. Treba zrabić toje, što zastaniecca nazaŭsiody», - padkreśliŭ biełaruski kiraŭnik.
Nichto nie chavaje taho faktu, što ŭ najbližejšyja dva hady - napiaredadni prezidenckich i parłamienckich vybaraŭ — budzie vieścisia napružanaja praca, dadaŭ Alaksandr Łukašenka. «Ale budziem pracavać tak, kab heta zastałosia i paśla pieradvybarnaj kampanii, kab nas ludzi nie papraknuli ŭ tym, što my napiaredadni niejkich palityčnych padziejaŭ, pierš za ŭsio vybaraŭ, niešta takoje zrabili, kab padsaładzić ludziam žyćcio, a potym pra ich zabudziem. Hetaha nikoli nie było i nie budzie! U nas inšaja palityka», - zajaviŭ kiraŭnik dziaržavy.
Jon dadaŭ, što padobnyja sustrečy z aktyvami rehijonaŭ nadalej buduć tradycyjnymi.