U Polščy stvaryli jašče adnu kamisiju pa rasijskim i biełaruskim upłyvach
Premjer-ministr Polščy Donald Tusk abviaściŭ pra stvareńnie kamisii pa vyvučeńni rasijskaha i biełaruskaha ŭpłyvaŭ u Polščy. Jaje ŭznačalić kiraŭnik kontrraźviedki Jarasłaŭ Strožyk, paviedamlaje Onet.pl.
Donald Tusk. Fota: Henry Nicholls, Pool Photo via AP
U skład kamisii ŭvojduć 9-13 čałaviek. Ich buduć naminavać zacikaŭlenyja ministerstvy i viedamstvy, u tym liku MUS, MZS, Minabarony, Minfin, a taksama ministr-kaardynatar śpiecsłužbaŭ.
Kamisija nie budzie śledčaj — jaje zadačaj stanie zbor infarmacyi dla jaje pradstaŭleńnia ŭ prakuraturu dla dalejšaha rasśledavańnia. Płanujecca, što kamisija ŭ liku inšaha budzie vyvučać mahčymy rasijski i biełaruski ŭpłyŭ na polskija ŚMI.
Tusk budzie čakać pieršuju spravazdaču kamisii paśla červieńskich vybaraŭ u Jeŭraparłamient, kab vysnovy nie ŭpłyvali na vybarčuju kampaniju.
Premjer adznačyŭ, što rasijskija i biełaruskija śpiecsłužby apošnim časam aktyvizavali dziejnaść u Polščy i inšych krainach. Sa słoŭ Tuska, rasijski śled šukajuć, naprykład, u maštabnym pažary ŭ Varšavie — jość viersija, što vielizarny handlovy centr zhareŭ u vyniku dyviersii.
Heta nie pieršaja kamisija pa vyvučeńni rasijskaha ŭpłyvu ŭ Polščy. Padobnaja była stvorana taksama 9 maja. Pra nieabchodnaść vyvučeńnia biełaruskaha ŭpłyvu zahavaryli paśla ŭciokaŭ u Minsk varšaŭskaha sudździ Tomaša Šmita, jaki mieŭ dostup da dziaržaŭnych tajamnic.
Čytajcie taksama:
Polšča ŭkładzie va ŭzmacnieńnie abarony ŭschodniaj miažy 2,5 młrd dalaraŭ
Amal dźvie traciny palakaŭ padtrymlivajuć umacavańnie miažy ź Biełaruśsiu
«Sprava vielmi surjoznaja». U Polščy praciahvajecca sprava padazravanych u dyviersijach i sabatažy
Tusk: Polšča pačała intensiŭnuju pracu nad fartyfikacyjaj miažy ź Biełaruśsiu
