Zvolnieny pieršy namieśnik staršyni KDK
Ivan Ramanovič vyzvaleny ad pasady pieršaha namieśnika staršyni Kamiteta dziaržaŭnaha kantrolu ŭ suviazi sa skančeńniem terminu dziejańnia kantrakta. Adpaviedny ŭkaz 7 lutaha padpisaŭ Alaksandr Łukašenka, paviedamlaje jaho pres-słužba.
***
Ramanovič Ivan Piatrovič naradziŭsia 5 lipienia 1954 hoda ŭ vioscy Zady Łahojskaha rajona Minskaj vobłaści.
Skončyŭ Biełaruski dziaržaŭny univiersitet (1981) pa śpiecyjalnaści «pravaznaŭstva».
Pracoŭny šlach pačaŭ u 1969 hodzie jak rabočy-palihrafist.
Paśla słužby va Uzbrojenych siłach pracoŭnaja dziejnaść była źviazana z orhanami ŭnutranych spraŭ, dzie prasłužyŭ amal 30 hadoŭ, ź ich bolš za 20 — byŭ kiraŭnikom.
U 1982-1984 hadach słužyŭ u Afhanistanie. Słužbu ŭ orhanach unutranych spraŭ skončyŭ na pasadzie namieśnika načalnika ŭpraŭleńnia pa baraćbie z ekanamičnaj złačynnaściu kryminalnaj milicyi MUS.
Z 2002 hoda, źjaŭlajučysia supracoŭnikam MUS, byŭ prykamandziravany da Dziaržaŭnaha sakrataryjata Rady biaśpieki ŭ jakaści hałoŭnaha śpiecyjalista adździeła ekanamičnaj biaśpieki, kudy paśla pierajšoŭ na asnoŭnuju pracu (2004-2008 hady).
Z maja 2008 hoda źjaŭlaŭsia načalnikam hałoŭnaha ŭpraŭleńnia kantrolu pa Minsku Kamiteta dziaržaŭnaha kantrolu. Z 27 studzienia 2015 hoda pracavaŭ pieršym namieśnikam staršyni Kamiteta dziaržaŭnaha kantrolu.
