Milicyja budzie nadhladać udzielnikaŭ akcyi 25 sakavika kala Opiernaha
HUUS Minharvykankama vystupiła sa śpiecyjalnaj zajavaj z nahody akcyi 25 sakavika ŭ Minsku. Dazvolenaja Minharvykankamam akcyja (mitynh i kancert) projdzie ŭ niadzielu z 13.00 da 19.00.
Jak padkreślivajecca ŭ zajavie, milicyjanty buduć pravodzić «asabisty nadhlad hramadzian i ahlad ich rečaŭ, u tym liku z dapamohaj techničnych i śpiecyjalnych srodkaŭ». Tyja, chto admovicca ad asabistaha nadhladu albo ahladu rečaŭ, nie budzie dapuščany na miesca praviadzieńnia akcyi. Heta robicca ŭ adpaviednaści z zakonam «Ab masavych mierapryjemstvach».
Hledačam, jakija buduć iści ŭ Vialiki teatr opiery i baletu, dla bolš zručnaha i chutkaha prachodu rekamiendujuć iści praz vulicu Ałaizy Paškievič. «Dla hetaha nieabchodna mieć pry sabie kvitki na pakaz», — dadaje pres-słužba staličnaj milicyi.
