Lidar Ruchu «Za Svabodu» Juraś Hubarevič pieramoh na ŭčastku, dzie nie było nakrutki daterminovaha hałasavańnia FOTAFAKT
Kiraŭnik Ruchu «Za Svabodu» Juraś Hubarevič u svaim fejsbuku apublikavaŭ vynikovy pratakoł pa hałasavańni na ŭčastku №7 Akademičnaj akruhi Minska. Jak adznačaje palityk, heta adziny ŭčastak, dzie nie adbyłosia nakrutki padčas daterminovaha hałasavańnia.
U vyniku za Juryja Hubareviča addali svaje hałasy 112 čałaviek, a za jahonaha supiernika, dyrektara SAK «Alimpijski» Siarhieja Kazłova, — 101.
Jaŭka na ŭčastku skłała 25,7%.
Kančatkovych ličbaŭ pa ŭsioj akruzie pakul niama. Ale vidavočna, što ŭ harsaviet prachodzić Kazłoŭ.
* * *
18 lutaha ŭ Biełarusi adbylisia vybary deputataŭ miascovych savietaŭ. Pavodle padlikaŭ CVK, na ŭčastki pryjšło 77% vybarcaŭ. 35% čałaviek prahałasavała daterminova.
Naziralniki fiksavali šalonyja nakrutki daterminovaj jaŭki. Dajšło da taho, što na ŭčastku ŭ «Studenckaj vioscy» Biełdziaržuniviersiteta daterminova prahałasavali 96,4%.
Była vykrytaja tak zvanaja «schiema 000-179»: niekatoryja ludzi, u jakich u pašparty byŭ upisany śpiecyjalny kod, mahli niezakonna hałasavać na roznych učastkach.
Jak i na ŭsich papiarednich hałasavańniach, u vybarčyja kamisii nie ŭklučyli amal nikoha ad apazicyi, a niezaležnym naziralnikam nie davali sačyć za padlikam hałasoŭ.
