«Małajcy! Pravilna, što dziejničali žorstka»: Łukašenka padziakavaŭ milicyjantam za apieracyju ŭ Mahilovie
Alaksandr Łukašenka ŭdziačny milicyjantam za bliskučuju apieracyju pa abiasškodžvańni rabaŭnika banka ŭ Mahilovie. Ab hetym kiraŭnik dziaržavy zajaviŭ siońnia, prymajučy z dakładam ministra ŭnutranych spraŭ Ihara Šunieviča.
«Ja i vam, i chłopcam z Mahiloŭskaj vobłaści vielmi dziakuju za prafiesijanalizm, jaki prajavili pry zatrymańni asabliva niebiaśpiečnaha złačyncy, jaki zachapiŭ adno z adździaleńniaŭ banka i jaki sprabavaŭ uziać u zakładniki ludziej. Asabliva tamu chłopcu, jaki vykazaŭ žadańnie, vobrazna kažučy, niejtralizavać jaho, sieŭ za rul aŭtamabila, i tych chłopcaŭ, jakija zatrymali», — skazaŭ Alaksandr Łukašenka.
Heta była adna z najlepšych apieracyj biełaruskaj milicyi, padkreśliŭ kiraŭnik dziaržavy. «Ja viedaŭ pra hetyja padziei ź pieršych chvilin. Pravilna, što chłopcy dziejničali žorstka», - zajaviŭ jon.
Alaksandr Łukašenka źviarnuŭ uvahu, što padobnyja złačynstvy raŭnaznačnyja terarystyčnym aktam, bo ŭ takich vypadkach niavinnym ludziam pahražaje niebiaśpieka.
«Tamu reakcyja pavinna być vielmi žorstkaj. Amal tak dziejničali supracoŭniki AMAPa, milicyi.
Małajcy! Nichto nie dzialiŭ: heta naša, heta vaša, - a ŭzialisia realizoŭvać zadaču, jakuju my pavinny byli realizavać. I jany zrabili heta, možna skazać, bliskuča», - adznačyŭ kiraŭnik dziaržavy.
Jon dadaŭ, što pryniaŭ rašeńnie ŭznaharodzić pravaachoŭnikaŭ, jakija ŭdzielničali ŭ hetaj małankavaj apieracyi. Jon daručyŭ Iharu Šunieviču prakantralavać, kab byli adznačany zasłuhi ŭsich, chto ryzykavaŭ žyćciom.
Jak rastłumačyŭ ministr, stanoŭčuju rolu pry abiasškodžvanni złačyncy syhraŭ praviedzieny zusim niadaŭna ekśpierymient. «U nas jość śpiecpadraździaleńnie pa baraćbie z teraryzmam «Ałmaz». My vyrašyli, što ŭ kožnaj vobłaści na bazie AMAPa stvorym mikrapadraździaleńnie, jakoje buduć treniravać bajcy «Ałmaza», kab rabić dziejańni, padobnyja hetym, da prybyćcia asnoŭnych sił. U dadzienym vypadku AMAP syhraŭ rolu padraździaleńnia pa baraćbie z teraryzmam i vykanaŭ hetuju zadaču», — skazaŭ Ihar Šunievič.
Uzbrojenaje rabavańnie banka ŭ Mahilovie: načalnik milicyi pajšoŭ u zakładniki zamiest kasirak i klijentaŭ
«Strachu nie było». Pałkoŭnik milicyi raskazaŭ, jak advodziŭ rabaŭnika z banka ź pistaletam la hałavy
