Kreml: Asobnaj sustrečy Pucina z Łukašenkam u Sočy pakul nie płanujecca
Sputnik
Uładzimir Pucin 10—12 kastryčnika ŭ Sočy praviadzie niekalki dvuchbakovych sustreč z kalehami z SND. Asobnych pieramovaŭ z Alaksandram Łukašenkam pakul nie zapłanavana, ale jany nie vyklučanyja, paviedamiŭ žurnalistam pamočnik prezidenta Rasii Juryj Ušakoŭ, piša TASS.
«10 kastryčnika adbuducca dźvie sustrečy Uładzimira Pucina: pieršaja — z prezidentam Respubliki Tadžykistan Emamali Rachmonam, druhaja — z prezidentam Respubliki Małdova Iharam Dadonam», — skazaŭ pradstaŭnik Kramla. Pavodle jaho słovaŭ, «11 kastryčnika pierad pačatkam ŭsich pasiadžeńniaŭ [samita SND i JeŭrAzES] adbudziecca sustreča z prezidentam Respubliki Uźbiekistan Šaŭkatam Mirzijeievym, 12 kastryčnika adbudziecca sustreča z prezidentam Kazachstana Nursułtanam Nazarbajevym». «Nie vyklučana i praviadzieńnie inšych sustreč, ale ja paviedamiŭ pra tych, jakija ŭzhodnieny i pa jakich užo vydzieleny časovyja paramietry ŭ raskładzie našaha prezidenta», — patłumačyŭ Ušakoŭ.
«Pakul asobnaj sustrečy [z Łukašenkam] nie płanujecca, choć ja, naturalna, nie vyklučaju niejkaha kantaktu na nahach pa tych ci inšych pytańniach, a moža być, jana [asobnaja sustreča] i budzie ŭzhodniena pa chodzie», - dadaŭ jon. Pradstaŭnik Kramla nahadaŭ, što rasijski i biełaruski lidary razmaŭlali pa telefonie ŭ subotu, Łukašenka paćvierdziŭ svoj udzieł u samitach.
«Pakul kankretnaj damoŭlenaści ab asobnaj sustrečy niama», - paŭtaryŭ jon.
