Ravarystam mohuć dazvolić jeździć pa prajeznaj častcy
U žyłych zonach haradoŭ ravarystam mohuć dazvolić ruchacca pa vydzielenym učastku prajeznaj častki.
Adnak havorka tolki pra tyja miescy, dzie heta budzie mahčyma i pierš za ŭsio biaśpiečna. Načalnik UDAI MUS Dźmitryj Karziuk padčas pramoj telefonnaj linii ŭ «SB» raspavioŭ, što Dziaržaŭtainśpiekcyja padtrymlivaje taki padychod:
— U hetym płanie ja padtrymlivaju ekśpierymient, jaki praviali na Brestčynie. Ravarystaŭ sapraŭdy stanovicca ŭsio bolš, i taki krok vyrašyŭ by sprečku amataraŭ rovaraŭ i piešachodaŭ, jakija dzielać adzin tratuar. Ale važny razumny padychod, bo ni da čaho dobraha nie pryviadzie, kali na trasu z dapuščalnaj chutkaściu ŭ 120 km/h puścić rovary. Vielmi važna stvaryć infrastrukturu, zručnuju dla ŭsich udzielnikaŭ ruchu. Razam z tym treba prapisać i peŭnyja patrabavańni da ruchu ravarystaŭ, a taksama adkaznaść dla ich.