Ctartuje navučalnaja siesija «Zaśpiavaj 4x4»
Finalistaŭ konkursu čakaje nasyčanaje leta — kansultacyi mientaraŭ, cykł lekcyj, zaniatki pa vakale, praca ŭ studyi i spravazdačnyja kancerty.
Čaćviorty siezon konkursu maładych vykanaŭcaŭ prachodzić u novym farmacie — upieršyniu ŭviedzieny adukacyjny składnik. Paśla vyznačeńnia finalistaŭ pačynajucca zaniatki i majstar-kłasy. Pierad muzykami staić zadača zrabić pa vyniku svaju konkursnuju pieśniu lepiej z ulikam atrymanaha dośviedu. Za kožnym z pretendentaŭ na pieramohu zamacavany svoj mientar: śpiavačku K3tyvana padtrymaje Dźmitry Litvinovič, zasnavalnik hurta CherryVata i kiraŭnik łejbłu Ezhevika; z hurtom «Tutejšyja» budzie pracavać Siarhiej Doŭhušaŭ, lidar hurta Vuraj i kiraŭnik «Śpieŭnaha Schodu»; hurt «Małała» moža raźličvać na Aleha Chamienku, lidara hurta «Pałac», a duet Maryny Haŭrylenki i Aliny Kazačenki pasupracoŭničaje z saŭndpradusaram Andrejem Akatavym.
«U finał vyjšli vielmi cikavyja, a hałoŭnaje raznapłanavyja muzyki. Choć dla istotnaha prafiesijnaha rostu patrebny kudy bolšy čas, my pastarajemsia razam dasiahnuć pośpiechu za hetyja dva miesiacy. Mahčyma navat niekaha my pabačym u absalutna inšym hučańni, vobrazie ci navat stylistycy. My pasprabujem dapamahčy zrabić choć nievialiki, ale važny krok da prafiesijnaj muzyčnaj dziejnaści», — zaznačaje Andrej Akataŭ, kiraŭnik studyi Central Station, adkazny siarod inšaha za huk prahramy Belsat Music Live.
16 i 17 červienia dla finalistaŭ «Zaśpiavaj» projdzie šerah lekcyj i majstar-kłasaŭ, jaki zakranie šerah aśpiektaŭ muzyčnaj śfiery. Jany paznajomiacca z tonkaściami studyjnaj pracy, markietynhavymi technałohijami, pryncypami raspaŭsiudu i prodažu svajoj muzyki, daznajucca pra arhanizacyju kancertaŭ i festaŭ dy pra važnaść vizualnaj kancepcyi ŭ muzycy. Zaniatki praviaduć jak sami mientary, tak i zaprošanyja hości, siarod ich piar-meniedžar Źmicier Biezkaravajny, pramoŭter Anton Simankoŭ, hraf-dyzajnierka Nasta Šastak. Konkurs ščylna źviazany jak z muzykaju, tak i z paezijaj. Admysłovyja lekcyi rychtujuć vykładčyk biełaruskaj litaratury BDU Alaksiej Strelnikaŭ, jaki raspaviadzie pra historyju sučasnaj biełaruskaj paezii — ad supołki «Tutejšyja» da batłaŭ u «Hrafici». A daśledčyk Viktar Siamaška raspaviadzie pra historyju sučasnaj biełaruskaj muzyki ŭ kantekście suśvietnaj.
«Pakul lekcyi dastupnyja tolki dla finalistaŭ, ale my majem spadzieŭ, što ŭ budučyni hety konkurs pieraŭtvorycca ŭ jašče bolš maštabny prajekt, a to i realici-šoŭ, u jakim by spałučylisia adukacyjny i zabaŭlalny składnik, i jaki byŭ by karysnym jak dla admysłoŭcaŭ, tak i dla muzykaŭ, tak i dla zvyčajnych słuchačoŭ, jakija chočuć pašyryć svoj kruhahlad», — kaža pradziusar «Zaśpiavaj 4x4» Siarhiej Budkin.
Paśla lekcyj ciaham nastupnych niekalkich tydniaŭ finalistaŭ čakajuć zaniatki pa vakale, pa pracy z aranžyroŭkaju i pa zapisie ŭ studyi. Pry kancy leta — na pačatku vosieni ŭdzielniki «Zaśpiavaj 4x4» prezientujuć vynik svajoj pracy i daduć spravazdačnyja kancerty pry padtrymcy viadomych muzykaŭ. Pieramožcu čakaje hałoŭny pryz — hrašovy pryz u 1000 rubloŭ i zdymki klipa ad režysiora Arcioma Łobača.
Za navinami konkursu «Zaśpiavaj 4x4», jaki pravodzić partał TuzinFM.by razam z fondam «Viartańnie» pry padtrymcy kampanii «Budźma biełarusami!», možna sačyć praz aficyjnyja supołki Facebook i UKantakcie.
