У Шклове мужчына пагражаў зарэзаць падлетка, які не даў яму свой тэлефон
У Шклове п'яны мужчына пагражаў нажом незнаёмаму падлетку, расказалі ў службе інфармацыі пракуратуры Магілёўскай вобласці.
Здымак ілюстрацыйны
Канфлікт адбыўся на адной з вуліц Шклова 28 кастрычніка 2023 года. Увечары побач з прыпынкам грамадскага транспарту побач са школай апынуўся моцна п'яны 33-гадовы жыхар Дрыбінскага раёна. Мужчына ўбачыў групу падлеткаў і сказаў, каб яму далі мабільны тэлефон патэлефанаваць, але хлопцы адмовілі п'янаму незнаёмцу.
Тады ён дастаў з кішэні нож і стаў, размахваючы ім, нецэнзурна лаяцца і пагражаць аднаму з падлеткаў. Той папрасіў дапамогі ў аднаго з мінакоў і на месца выклікалі міліцыю.
Высветлілася, што падазраваны раней ужо быў неаднаразова судзімы за злачынствы супраць уласнасці. Цяпер яму інкрымінавалі асабліва злоснае хуліганства.
На судзе фігурант цалкам прызнаў сваю віну і заявіў, што рабіў так таму, што быў п'яны і раззлаваўся на тое, што яму не далі мабільны тэлефон. Мужчыну прысудзілі да 3 гадоў калоніі ва ўмовах узмоцненага рэжыму. Акрамя таго, яго будуць лячыць ад хранічнага алкагалізму.
Чытайце таксама:
У Камянецкім раёне мужчына ў сварцы парэзаў руку жонцы электрапілой. Вось што вырашыў суд
У Гомелі судзілі пенсіянера, які пашкодзіў машыну скарынкай кавуна
Прысуд дзетазабойцам са Слуцка пакінулі без зменаў. Бацьку расстраляюць
