Вячорка пра варыянт абмяняць палітвязняў на расійскіх агентаў і ваеннапалонных: Абмяркоўвалі. Дэталяў не магу агалошваць
Блогер Аляксандр Кабанаў у стрыме з дарадцам Ціханоўскай Франакам Вячоркам закрануў пытанне палітвязняў і папрасіў таго пракаментаваць адну з ідэй.
Скрын стрыму ютуб-канала «Народный репортер»
Кабанаў разважае, што ёсць расійскія і, магчыма, беларускія шпіёны, арыштаваныя ў Еўропе і ЗША. Ці разглядалі версію абмяняць іх на беларускіх палітвязняў?
«Разглядалі, абмяркоўвалі. Дэталяў не магу агалошваць, — адказаў Франак Вячорка. — Расійскія, лукашэнкаўскія агенты або расійскія ваеннапалонныя ва Украіне — гэта рэалістычныя варыянты абмену. Але не магу нічога расказваць у дэталях».
Вячорка дадаў, што такі варыянт больш імаверны, чым абмен на санкцыі.
Але пакуль па гэтым пытанні няма пра што казаць публічна.
Чытайце таксама:
Тры моманты, якія трэба змяніць, каб беларуская пенітэнцыярная сістэма перастала быць нялюдскай
