Суша: Мінгарвыканкам заклікае мінчукоў дапамагчы ў паліванні дрэваў, кустоў і кветак
У сувязі з сушай сталічныя ўлады заклікалі мінчукоў падбаць аб захаванасці кветнікаў і зялёных насаджэнняў, якiя не знаходзяцца ў зоне ўвагі камунальных службаў, і далучыцца да палівання кветак, дрэў і кустоў.
Камунальныя службы горада зараз працуюць ва ўзмоцненым рэжыме, забяспечваючы раслінам паліў у гарачыя дні. Але ў горадзе ёсць пасадкі суб'ектаў гаспадарання, жыхароў.
«Мы ўдзячныя мінчукам, кіраўнікам і працоўным калектывам прадпрыемстваў і арганізацый за тое, што яны сумленна паставіліся да азелянення і кветкавага афармленн сталіцы. Але каб захаваць гэтую прыгажосць у такое гарачае надвор'е, як зараз, расліны трэба ўзмоцнена паліваць. Таму просім гараджан звярнуць увагу на зялёныя насаджэнні і кветкі ў дварах, а суб'ектаў гаспадарання — на іх тэрыторыях, і паўдзельнічаць у паліве», — заклікаў намеснік старшыні Мінгарвыканкама Аляксандр Дараховіч.
