Са знакамітага «танкалёта» Belavia знікла згадка гульні World Of Tanks

Спасылаючыся на ўласныя крыніцы ў аэрапорце, канал піша, што прычына — заканчэнне тэрміну арэнды рэкламы.

Самалёт быў брэндаваны ў ліўрэі аднаго з найбуйнейшых сусветных выдаўцоў і распрацоўшчыкаў гульняў Wargaming з канца ліпеня 2016 года. У пярэдняй частцы фюзеляжа было напісана: па правым борце — «World Of Tanks | The game from Belarus | Enjoyed worldwide», а па левым — «World of Tanks Игра из Беларуси | В которую играет весь мир».

Улетку 2022 года зарэгістраваная на Кіпры кампанія Wargaming прадала бізнэс у Беларусі і Расіі. Цяпер гульня называецца «Свет танкаў», а развівае яе расійская кампанія Lesta Games, у тым ліку яе мінскі офіс.

Верагодна, такі ж лёс з часам напаткае і «зубралёт» (другі брэндаваны самалёт Belavia — Embraer ERJ-195 з рэгістрацыйным нумарам EW-400PO). Той пачаў лётаць ва ўнікальнай ліўрэі крыху пазней, з лютага 2018 года. У параўнанні з «Боінгам», у яго адмысловым чынам дэкараваны яшчэ і салон: брэндаваныя «танкамі» падгалоўнікі крэслаў, адкідныя столікі на спінках сядзенняў і каўралінавая дарожка.

Чытайце таксама:

Колькі падаткаў заплацілі ў бюджэт Літвы фірмы з беларускімі каранямі

Wargaming сабраў больш за мільён даляраў на машыны хуткай дапамогі для Украіны

ГУБАЗіК затрымаў беларуса за тое, што ён у World of Tanks размясціў «Пагоню» на танку

Nashaniva.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

3

2

6

1

1

2