Беларусь і ЕС «больш-менш» завяршылі перамовы па пагадненні аб рэадмісіі
Еўракамісар Ёханэс Хан у рамках мерапрыемстваў да 10-годдзя Усходняга партнёрства пракаментаваў журналістам, ці хутка будзе падпісана пагадненне з Беларуссю аб рэадмісіі.
«Нарэшце мы больш-менш скончылі нашы перамовы па пагадненні аб рэадмісіі, і нам неабходна ўстанавіць дату і месца, дзе мы падпішам гэта пагадненне», — заявіў ён.
Еўракамісар таксама адказаў, што рознагалоссі Беларусі з Літвой наконт Астравецкай АЭС марудзяць падпісанне Прыярытэтаў партнёрства.
— Я абмяркоўваў гэта пытанне з Літвой, Астравецкая атамная станцыя гэта праблема для іх, і я разумею, што яны заклапочаны бяспекай сваёй краіны, — патлумачыў Ёханэс Хан. І дадаў, што яны шукаюць рашэнне, якое ўлічыць інтарэсы абодвух бакоў. — Мы разумеем, што Прыярытэты партнёрства — тое, што цікавіць усіх, і я спадзяюся, пагадненне будзе знойдзена.
