НАН: Не трэба быць такімі сціплымі — у Беларусі ёсць навукоўцы, вартыя Нобелеўскай прэміі
Беларускія навукоўцы цалкам вартыя самых прэстыжных узнагарод, доўгія гады яны знаходзіліся ў цені з-за сваёй сціпласці. Такое меркаванне выказаў старшыня Прэзідыума НАН Беларусі Уладзімір Гусакоў на прэс-канферэнцыі ў аўторак у Менску, перадае sb.by.
«У свеце шмат лаўрэатаў Нобелеўскай прэміі з беларускімі каранямі, па нашых ацэнак, каля трох дзесяткаў лаўрэатаў у розных сферах навукі», — сказаў Гусакоў. Гэта, у тым ліку, і наш знакаміты зямляк Жарэс Алфёраў.
«Чаму так здарылася? Бо да гэтага часу, мне здаецца, беларускія навукоўцы сціпла паводзіць», — заявіў Гусакоў. Быў нейкі комплекс непаўнавартасці. Але гэта няправільна, лічыць вучоны.
«Цяпер мы — прэзідыум Акадэміі навук — ставім такую амбіцыйную задачу… У шэрагу абласцей мы абсалютна не саступаем распрацоўкам амерыканскіх навукоўцаў, японскіх, заходнееўрапейскіх. Мы маем права прэтэндаваць (на Нобелеўскую прэмію — sb.by)», — падкрэсліў Гусакоў.
«Па сваім IQ патэнцыял беларускай нацыі адносіцца да найбольш высокіх у свеце», — адзначыў кіраўнік НАН.
Зараз мы пераадольваем былую сціпласць і нерашучасць. У найбліжэйшы час будзем удзельнічаць у конкурсе на Нобелеўскія прэміі, сказаў ён. Хоць конкурс у апошні час, паводле яго слоў, вельмі ўскладніўся: вельмі складаная сістэма адбору, трэба заручыцца падтрымкай цэлай групы развітых краін і вядучых навуковых цэнтраў.
«Гэта няпроста, але трэба ўдзельнічаць. Па сваіх распрацоўках мы маем поўнае права і гатовыя да ўдзелу», — рэзюмаваў кіраўнік НАН.