NAN: Nie treba być takimi ścipłymi — u Biełarusi jość navukoŭcy, vartyja Nobieleŭskaj premii
Biełaruskija navukoŭcy całkam vartyja samych prestyžnych uznaharod, doŭhija hady jany znachodzilisia ŭ cieni z-za svajoj ścipłaści. Takoje mierkavańnie vykazaŭ staršynia Prezidyuma NAN Biełarusi Uładzimir Husakoŭ na pres-kanfierencyi ŭ aŭtorak u Miensku, pieradaje sb.by.
«U śviecie šmat łaŭreataŭ Nobieleŭskaj premii ź biełaruskimi karaniami, pa našych acenak, kala troch dziesiatkaŭ łaŭreataŭ u roznych śfierach navuki», — skazaŭ Husakoŭ. Heta, u tym liku, i naš znakamity ziamlak Žares Ałfioraŭ.
«Čamu tak zdaryłasia? Bo da hetaha času, mnie zdajecca, biełaruskija navukoŭcy ścipła pavodzić», — zajaviŭ Husakoŭ. Byŭ niejki kompleks niepaŭnavartaści. Ale heta niapravilna, ličyć vučony.
«Ciapier my — prezidyum Akademii navuk — stavim takuju ambicyjnuju zadaču… U šerahu abłaściej my absalutna nie sastupajem raspracoŭkam amierykanskich navukoŭcaŭ, japonskich, zachodniejeŭrapiejskich. My majem prava pretendavać (na Nobieleŭskuju premiju — sb.by)», — padkreśliŭ Husakoŭ.
«Pa svaim IQ patencyjał biełaruskaj nacyi adnosicca da najbolš vysokich u śviecie», — adznačyŭ kiraŭnik NAN.
Zaraz my pieraadolvajem byłuju ścipłaść i nierašučaść. U najbližejšy čas budziem udzielničać u konkursie na Nobieleŭskija premii, skazaŭ jon. Choć konkurs u apošni čas, pavodle jaho słoŭ, vielmi ŭskładniŭsia: vielmi składanaja sistema adboru, treba zaručycca padtrymkaj cełaj hrupy raźvitych krain i viadučych navukovych centraŭ.
«Heta niaprosta, ale treba ŭdzielničać. Pa svaich raspracoŭkach my majem poŭnaje prava i hatovyja da ŭdziełu», — reziumavaŭ kiraŭnik NAN.
