Серабрыстыя аблокі і царква Святога Юр'я на рамантычным ФОТА са Стаўпеччыны
Гэтай ноччу беларусы маглі назіраць незвычайна яркія серабрыстыя аблокі, якія свяцілі ўсю першую палову ночы. Гэта ўжо не першае назіранне рэдкай прыроднай з'явы ў гэтым годзе, але на гэты раз яны былі надзвычай яркімі і назіраліся высока над гарызонтам.
Нагадаем, што серабрыстыя аблокі — гэта самы высокі тып аблокаў, якія ўзнікаюць на вышыні каля 80 кіламетраў. Дзякуючы гэтаму яны бачныя за сотні і нават тысячы кіламетраў. У адрозненне ад звычайных аблокаў, якія ўначы не асвятляюцца Сонцам і выглядаюць цёмнымі, серабрыстыя аблокі знаходзяцца так высока, што іх нават ноччу асвятляюць сонечныя промні. Дзякуючы гэтаму ствараецца ўражанне, што яны быццам свецяцца самі, пераліваюцца адценнямі срэбра. Серабрыстыя аблокі можна назіраць у цёплы перыяд года, найчасцей яны з'яўляюцца ў чэрвені і ліпені.
На фота — царква Святого Юр'я ў вёсцы Слабодка Стаўбцоўскага раёна.
Фота Віктара Малышчыца.
