Былога дырэктара «Магілёўдрэва» судзяць за хабары у памеры 1600 рублёў
У Магілёве будуць судзіць в.а. генеральнага дырэктара «Магілёўдрэў», яму давалі хабар грашыма і нават аплацілі банкет на дзень нараджэння.
Экс-кіраўніка «Магілёўдрэў» вінавацяць у хабарніцтве, прычым па інфармацыі Следчага камітэта, мужчына браў хабары не толькі грашыма.
Так 36-гадоваму мужчыну камерцыйная структура зрабіла паслугу — аплаціла банкет на дзень нараджэння, які каштаваў 700 рублёў. Гэта было ў 2017 годзе. У гэты ж год быў яшчэ адзін эпізод: фірма аплаціла яго застолле з сябрам — 65 рублёў. Усяго яго абвінавачваюць у атрыманні хабараў на суму 1,6 рублёў.
Кажуць, ён распараджаўся ў першую чаргу разлічвацца з тымі арганізацыямі, якія давалі яму хабар або рабілі падобныя паслугі.
Следчыя «раскапалі» чатыры эпізоды, якія былі ў 2017 годзе. Справа ўжо накіравана ў суд, сам абвінавачаны знаходзіцца пад вартай.
