Раман Абрамовіч развёўся з Дар'яй Жукавай
Reuters
Мільярдэр Раман Абрамовіч і Дар'я Жукава вырашылі разысціся. Як паведамляе Page Six (дадатак газеты New York Post), муж і жонка выпусцілі адпаведную сумесную заяву.
Пара, у якой двое агульных дзяцей, абвясціла пра разрыў у панядзелак. Абрамовіч і Жукава сцвярджаюць, што разрыў быў мірным.
«Праз 10 гадоў сумеснага жыцця мы абодва прынялі цяжкае рашэнне (…), аднак мы застаемся блізкімі сябрамі, бацькамі і партнёрамі ў праектах, якія разам развівалі», — адзначылі яны.
Для 50-гадовага Абрамовіча шлюб з 36-гадовай Жукавай трэці па ліку. Усяго ў яго сямёра дзяцей, пяцёра з іх — ад другой жонкі.
Абрамовіч — уладальнік футбольнага клуба «Чэлсі». Яго багацце ацэньваецца ў 9,1 мільярда даляраў.
Як мяркуецца, яны пазнаёміліся ў 2005 годзе і аформілі адносіны праз некалькі гадоў. Іх сына клічуць Аарон, а дачка — Лея. Апошнія гады сям'я жыла ў Вялікабрытаніі.
