U rasijskaj ahučcy bajevika «Ciełaachoŭnik kilera» prezidenta Biełarusi zamianili na prezidenta Bośnii
U biełaruski prakat vyjšaŭ film «Ciełaachoŭnik kilera». Pilnyja hledačy zaŭvažyli, što adzin z hierojaŭ, jaki ihraje prezidenta Biełarusi, u rasijskaj ahučcy nazyvajecca prezidentam Bośnii.
Dyrektar kampanii, jakaja demanstruje film na terytoryi Biełarusi, «Interfilm Dystrybjušn» hety fakt paćviardžaje. Siarhiej Kozyraŭ u kamientary tut.by tłumačyć, što heta było rašeńnie kampanii-pravaŭładalnika, rasijska-ŭkrainskaj kampanii Megogo.
- My nie zajmajemsia dublažom. U aryhinalnaj viersii Hery Ołdman sapraŭdy ihraje prezidenta Biełarusi. Ale kali karcinu dla krain SND dublavali na ruskuju movu, kampanija Megogo zrabiła pieramantaž.
Siarhiej miarkuje, što, mahčyma, heta było zroblena z metaj zhładzić mahčymyja niehatyŭnyja situacyi.
- Ale da nas prychodzić film u vyhladzie hatovaha fajła i ŭ vielmi ścisnutyja terminy, my adrazu pieradajom jaho ŭ kinateatry. Papiarednie jaho my nie prahladali i daviedalisia pra heta ad kinateatraŭ.
