Rasijski śviatar pajechaŭ u tur pa manastyrach, a znajšoŭsia ŭ Viciebsku ŭ prytonie z prastytutkami
Pry šturmie prytona z prastytutkami ŭ Viciebsku zatrymany baciuška z rasijskaha horada Usievałažska, paviedamlaje rehijanalny partał 47news. Ajca Mikałaja Kirejeva nibyta padazrajuć u sprobie vyvieźci prastytutak u Sankt-Pieciarburh u jakaści tavaru.
Ajciec Mikałaj.
39-hadovaha ajca Mikałaja stali šukać, bo jaho žonka napisała ŭ miascovuju palicyju zajavu ab źniknieńni muža. Toj skazaŭ, što źjechaŭ u pałomnicki vajaž pa Maskoŭskaj vobłaści, adnak pierastaŭ adkazvać na zvanki.
Paviedamlajecca, što zaviedziena kryminalnaja sprava pa častcy 2 artykuła 171 Kryminalnaha kodeksa Biełarusi — «vykarystańnie zaniatku prastytucyjaj ci stvareńnie ŭmoŭ dla zaniatku prastytucyjaj … spałučanyja z vyvazam za miežy dziaržavy asoby dla zaniaćcia prastytucyjaj … albo z vykarystańniem dla zaniaćcia prastytucyjaj zaviedama niepaŭnaletniaha, ci ŭčynienyja arhanizavanaj hrupaj».
Ajciec Mikałaj znachodzicca ŭ śledčym izalatary ŭ Viciebsku.
