Džaan Roŭlinh płanuje vypuścić jašče šeść knih
Try detektyvy i jašče try knihi pa-za žanrami.
Džaan Roŭlinh. Fota: Bruce Glikas / Bruce Glikas / FilmMagic / Getty Images
Brytanskaja piśmieńnica Džaan Roŭlinh płanuje vypuścić jašče šeść knih, pra heta jana zajaviła ŭ intervju The Times.
«U mianie jość taja, jakuju ja zaraz pišu. Napieradzie jašče dźvie pra detektyva Karmarana Strajka, a potym jašče try knihi, da jakich ja vielmi chaču dabracca», — raspaviała jana.
Roŭlinh padzialiłasia, što zaviaršeńnie sieryi ramanaŭ pra Hary Potera było ciažkaj strataj, pakolki jana mahła pahłybicca ŭ pracu nad historyjaj chłopčyka-čaraŭnika, źbiehšy ad prablem u žyćci. Ź inšaha boku, piśmieńnica zadavolenaja, što «ŭsio skončyłasia».
Sieryja knih pra Hary Potera vychodziła z 1997 pa 2007 hod i pryniesła Džaan Roŭlinh suśvietnuju słavu. Usie častki hetaj sieryi ŭvachodziać u dvaccatku samych pradavanych knih usich časoŭ.
Pieršy detektyŭ pra Karmarana Strajka i Robin Ełakot — «Klič ziaziuli» — vyjšaŭ u 2013 hodzie pad psieŭdanimam Robiert Hełbrejt i adrazu staŭ bestseleram.
Paśla hetaha Roŭlinh vypuściła jašče šeść detektyvaŭ. Paźniej źjaviŭsia sieryjał Bi-bi-si «Strajk».
Paśla pačatku poŭnamaštabnaha ŭvarvańnia Rasii va Ukrainu Roŭlinh zabaraniła pierakładać svaje knihi na ruskuju movu, a pa-biełarusku jaje detektyvy, jakija ŭ XXI stahodździ stali załatym etałonam kryminalnaha žanru, nie vychodziać.
Čytajcie taksama:
Ci vyjduć apošnija detektyvy Roŭlinh i Nieśbio pa-biełarusku?
Kniha ŭnuka vychadcaŭ ź Biełarusi zajmaje piataje miesca ŭ top-100 najlepšych detektyvaŭ śvietu
