U Minsku mužčyna čaplaŭsia da 9-hadovaha chłopčyka ŭ prybiralni restarana
23 lipienia spracavała «knopka tryvožnaj sihnalizacyi» u restaranie chutkaha charčavańnia na praśpiekcie Niezaležnaści.
Supracoŭniki Centralnaha rajonnaha adździeła Departamienta achovy, jakija pryjechali na miesca zdareńnia, zatrymali 34-hadovaha minčuka, jaki ŭ prybiralni restarana utrymlivaŭ 9-hadovaha chłopčyka, zaciskaŭ jamu rot rukoj i čaplaŭsia da jaho.
Vyśvietliłasia, što chłopčyk, jaki pryjšoŭ u restaran sa svajoj babulaj, adprasiŭsia ŭ jaje schadzić u tualet i pamyć ruki. Uśled za im u prybiralniu zajšoŭ padazravany, a zatym i napaŭ na dzicia.
Zatrymany raniej nieadnarazova sudzimy, u tym liku — za hvałtoŭnyja dziejańniaŭ seksualnaha charaktaru ŭ dačynieńni da niepaŭnaletnich. Materyjały pieradadzienyja ŭ rajonny adździeł Śledčaha kamiteta dla zaviadzieńnia kryminalnaj spravy.
Adznačym, što vidavočcy zdareńnia nie stajali na miescy: chtości vyklikaŭ milicyju, chtości pasprabavaŭ adbić chłopčyka ŭ mužčyny.
