Smartfony dapamahli vyjavić samyja lanivyja i samyja aktyŭnyja krainy
Amierykanskija navukoŭcy sabrali hłabalnyja danyja ab fizičnaj aktyŭnaści ludziej z dapamohaj analizu infarmacyi, jakaja pradastaŭlajecca ich smartfonami, piša VVS.
Analiz, praviedzieny supracoŭnikami Stendfardskaha ŭniviersiteta na danych 68 młn dzion štochvilinnaj infarmacyi, pakazaŭ, što ŭ siarednim kolkaść krokaŭ, jakuju robić siaredniestatystyčny karystalnik za sutki, składaje 4961.
Pieršaje miesca pa fizičnaj aktyŭnaści zaniali žychary Hankonha, jakija ździajśniali ŭ siarednim 6880 krokaŭ, a samymi nieaktyŭnymi akazalisia indaniezijcy, jakija prachodzili ŭsiaho 3513 krokaŭ.
Hetyja danyja mohuć dapamahčy ŭ vyrašeńni takoj surjoznaj prablemy, jak atłuścieńnie, jakoje pahražaje miljonam ludziej pa ŭsim śviecie.
Bolšaść smartfonaŭ majuć ubudavanyja aksieleromietry, jakija fiksujuć kolkaść zroblenych krokaŭ, i daśledčykam udałosia atrymać i praanalizavać ananimnyja danyja smartfonaŭ 700 tysiač čałaviek, jakija ŭstalavali sabie dadatak Argus.
«Hety prajekt u tysiaču razoŭ pieravyšaje pa abjomie danych luboje inšaje daśledavańnie fizičnaj aktyŭnaści ludziej, — kaža Skot Dełp, prafiesar bijałohii i adzin z daśledčykaŭ. — Naš prajekt, u adroźnieńnie ad inšych, zasnavany na vyvučeńni danych, atrymanych u hłabalnym maštabie, pryčym danych, jakija pastupajuć u pastajannym režymie i pa mnohich paramietrach. A heta daje nam mahčymaść rabić vysnovy ŭ niepieraŭzydzienych maštabach».
A što nakont aktyŭnaści ŭ inšych krainach śvietu?
- Kitaj — 6 189
- Japonija — 6 010
- Ispanija — 5 936
- Brytanija — 5 444
- Brazilija — 4 289
- AAE — 4 516
Niaroŭnaść nieaktyŭnaści
Vyniki daśledavańnia apublikavanyja ŭ časopisie Nature; jaho aŭtary adznačajuć, što jany dazvalajuć zrabić važnyja vysnovy adnosna stanu zdaroŭja nasielnictva i jaho zaležnaści ad uzroŭniu fizičnaj aktyŭnaści.
Naprykład, akazałasia, što siaredniaja kolkaść krokaŭ pa krainie mała źviazanaja z raspaŭsiudžvańniem siarod jaje žycharoŭ prablemy zališniaj vahi.
Najvažniejšym faktaram akazałasia tak zvanaja «niaroŭnaść aktyŭnaści» — padobna niaroŭnaści ŭ dachodach, ale tolki ŭ dadzienym vypadku havorka idzie nie pra bahatych i biednych, a pra samych lanivych i samych aktyŭnych.
Čym vyšejšy hety pakazčyk niaroŭnaści pa krainie, tym vyšejšy ŭ joj ŭzrovień paŭnaty.
«Naprykład, Šviecyja maje adzin z samych nizkich pakazčykaŭ niaroŭnaści pamiž aktyŭnymi i nieaktyŭnymi ŭ fizičnym dačynieńni ludźmi, i taksama adzin z samych nizkich u śviecie uzroŭniaŭ atłuścieńnia», — kaža adzin z aŭtaraŭ daśledavańnia Cim Ałtchaf.
U ZŠA i Mieksicy siaredniaja kolkaść krokaŭ praktyčna supadaje, ale ŭ ZŠA pakazčyk niaroŭnaści aktyŭnaści vyšejšy, čym u Mieksicy, i, adpaviedna, vyšejšy ŭzrovień atłuścieńnia siarod nasielnictva.
Adnym ź niečakanych vynikaŭ daśledavańnia stała vysnova ab tym, što niaroŭnaść aktyŭnaści ŭ asnoŭnym abapirajecca na adroźnieńni pamiž mužčynami i žančynami.
Mužčyny bolš aktyŭnyja?
U krainach typu Japonii, dzie adznačany nizki ŭzrovień paŭnaty i niaroŭnaści ŭ halinie aktyŭnaści, mužčyny i žančyny pavodziać siabie prykładna adnolkava aktyŭna ŭ płanie fizičnych nahruzak.
Ale ŭ krainach, dzie pakazčyk niaroŭnaści vysoki, naprykład, u ZŠA i Saudaŭskaj Aravii, žančyny, jak praviła, viaduć mienš aktyŭny ład žyćcia, čym mužčyny.
«Kali pakazčyk niaroŭnaści aktyŭnaści dasiahaje maksimumu, aktyŭnaść žančyn źnižajecca značna macniej, čym aktyŭnaść mužčyn, i tamu niehatyŭnaja suviaź z atłuścieńniem zakranaje žančyn značna macniej», — adznačajecca ŭ daśledavańni.
Navukoŭcy sa Stenfardskaha ŭniviersiteta ličać, što atrymanyja vyniki mohuć pralić śviatło na hłabalnyja zakanamiernaści ŭ raspaŭsiudžvańni epidemii atłuścieńnia i dapamahčy vypracavać novyja šlachi vyrašeńnia hetaj prablemy.
Naprykład, jany skłali tablicu fizičnaj aktyŭnaści pa 69 amierykanskich haradach. Atrymanyja ad karystalnikaŭ smartfonaŭ danyja śviedčać, što ŭ Ńju-Jorku i San-Francyska ludzi šmat chodziać pieššu, čamu spryjaje raźvitaja infrastruktura ŭ vyhladzie darožak i tratuaraŭ.
A voś u takich haradach, jak Miemfis i Chjustan, da piešachodaŭ staviacca niehatyŭna, i pierasoŭvacca tam biez aŭtamabila praktyčna niemahčyma.
Nie stała niečakanaściu i toje, što ludzi chodziać pieššu bolš u tych haradach, dzie dla hetaha stvoranyja mahčymaści.
Daśledčyki adznačajuć, što hetyja vysnovy dazvolać prajektavać harady i pasieliščy z ulikam budučaj fizičnaj nahruzki.
