Ministerstva abarony patłumačyła, čamu tank urezaŭsia ŭ słup
Hałoŭnaj pryčynaj nazyvajuć darožnyja ŭmovy.
Nahadajem, viečaram 24 červienia ŭ Minsku prajšła repietycyja paradu 3 Lipienia. Padčas prajezdu pa praśpiekcie Niezaležnaści adzin z tankaŭ kala mietro «Maskoŭskaja» ŭrezaŭsia ŭ słup.
Čałaviek na vulicy vypadkova źniaŭ momant avaryi. Tank zaniesła, raźviarnuła i ŭdaryła ŭ lichtarniu. Tankist, što siadzieŭ u luku, možna skazać, naradziŭsia ŭ kašuli:
Jak paviedamili «Našaj Nivie» u pres-słužbie Ministerstva abarony RB, hałoŭnaj pryčynaj avaryi padčas repietycyi parada stali składanyja ŭmovy nadvorja, a kankretna — ślizkaja daroha paśla zalevy.
«Užo pryniatyja ŭsie mahčymyja miery, kab takoje bolš nie paŭtaryłasia: praviedzieny dadatkovyja instruktažy i śpiecyjalnyja zaniatki adkaznych ludziej. Pravierka pa spravie jašče idzie, zhodna ź jaje vynikam buduć pryniatyja adpaviednyja rašeńni i miery. Adno zaraz mahčyma skazać dakładna: technika była spraŭnaja», — prakamientavaŭ pres-sakratar hałoŭnaha ŭpraŭleńnia ideałahičnaj raboty Ministerstva abarony, pałkoŭnik Uładzimir Makaraŭ.
Varta adznačyć, što tank na mokrym asfalcie moža nastolki ž zanosić, jak aŭtamabil na lodzie. Tank, jaki trapiŭ u avaryju, ruchaŭsia ź vialikaj chutkaściu.