U Maskvie aryštavali žurnalista, jaki supracoŭničaŭ z «Biełsatam»
Basmanny sud Maskvy zadavoliŭ chadajnictva śledstva i adpraviŭ u śledčy izalatar žurnalista Kanstancina Habava, paviedamiła «Mieduza» sa spasyłkaj na pres-słužbu sudoŭ ahulnaj jurysdykcyi.
U paviedamleńni pres-słužby Kanstacin Habaŭ pradstaŭleny jak pradziusar navinavaj słužby infarmacyjnaha ahienctva Reuters. Pry hetym TASS nazyvaje jaho byłym pradziusaram Reuters.
U toj ža čas telehram-kanał «Ostorožno, novosti» piša, što ŭ 2022 hodzie žurnalist pracavaŭ na telekanale «Biełsat», a da hetaha — na telekanałach «Mir» i «Moskva 24».
Habava abvinavačvajuć pa artykule ab udziele ŭ «ekstremisckaj supolnaści» (Častka 2 artykuła 282.1 Kryminalnaha kodeksa RF).
Pa viersii śledstva, Habaŭ pryniaŭ udzieł u padrychtoŭcy fota– i videamateryjałaŭ dla publikacyi na jutub-kanale «Navalny Live». U paviedamleńni pres-słužby suda skazana, što kanał, maŭlaŭ, vykarystoŭvajuć dla publikacyi kantentu Fondu baraćby z karupcyjaj, abvieščanaha ŭ Rasii «ekstremisckaj arhanizacyjaj».
Čytajcie taksama:
U Rasii zatrymali dysidenta, jakoha Pucin pieraśledavaŭ jašče ŭ SSSR
Ramašeŭskaja-Huzy prosić dapamahčy joj hrašyma na advakataŭ — padpisčyki aburylisia
Dva hady pazbaŭleńnia voli i 120 tysiač rubloŭ kary nibyta za supracoŭnictva z «Biełsatam»
