Bramnik zbornaj Biełarusi pa plažnym futbole: Padčas himna čytaju sam sabie «Pahoniu» Bahdanoviča
Bramnik zbornaj pa plažnym futbole i najlepšy hulec letašniaha čempijanatu Biełarusi Valeryj Makarevič raspavioŭ TUT.BY pra toje, čamu padčas himna jon čytaje pra siabie vierš «Pahonia».
Fota: Darja Burakina, tut.by
— Letaś u Italii ŭ haścinicy piersanał prapanavaŭ nam mieniu na biełaruskaj movie, — uzhadvaje Valeryj. — Takim čynam arhanizatary spabornictvaŭ chacieli vykazać pavahu. Było prykra, kali niekatoryja chłopcy nie zmahli zrazumieć, što takoje «jałavičyna», i paprasili zamianić mieniu na ruskamoŭny varyjant. Pierakonvać niekaha nie źbirajusia. Žadańnie padtrymać svajo, usio biełaruskaje, pavinna iści znutry.
Vielmi lublu svaju krainu — jaje movu i kulturu. Ros u asiarodździ, dzie ŭsie razmaŭlali na rodnaj movie. Ja i ciapier doma razmaŭlaju tolki pa-biełarusku. Takim sposabam vuču movie dziaciej. Jašče znajšoŭ dla dački biełaruskamoŭnaha vychavalnika. Davoli ciažka adšukać knihi na movie, ale i heta rablu. Prajekt Kinakong.by daje mahčymaść zvadzić dzicia ŭ kino, dzie dublaž na biełaruskaj. Viedajecie, kali raptam ja budu apošnim, chto ŭ majoj siamji ŭpeŭniena vałodaje rodnaj movaj, to prymu heta za zdradu ŭ adnosinach da mamy i babuli.
Da himna Biełarusi u Makareviča taksama jość pretenzija.
— Majo mierkavańnie: jon niedastatkova patryjatyčny. Jak pierad spartyŭnaj padziejaj śpiavać ab tym, što my mirnyja ludzi? Kab choć niejak siabie zavieści pierad hulnioj, padčas vykanańnia himna čytaju sam sabie vierš Maksima Bahdanoviča «Pahonia»: «Tolki ŭ sercy tryvožnym pačuju / Za krainu radzimuju žach, / Uspomniu Vostruju Bramu śviatuju / I vajakaŭ pa hroznych kaniach». Vy pahladzicie, jak palaki na nadryvie śpiavajuć svoj himn, ukraincy, italjancy. Muraški pa skury biahuć! A my — mirnyja ludzi, byccam zahadzia zhodnyja na ničyju… Dumaju, što vierš Natalli Arsieńnievaj «Malitva za Biełaruś» i «Pahonia» Bahdanoviča lepš padyšli b na rolu himna, čym aficyjna pryniaty tekst.
Całkam intervju čytajcie tut >>>
