Studencki luboŭny trochkutnik moža skončycca turmoj
Dvoje chłopcaŭ, jakim padabałasia adna i taja ž dziaŭčyna, vyrašyli vyśvietlić adnosiny. Bojka pierarasła ŭ kryminalny artykuł.
«Paciarpieły i padazravany vučylisia ŭ adnoj navučalnaj ustanovie, na adnym kursie, ale ŭ roznych hrupach, — raspaviała partału «Ranak» staršy śledčy, major justycyi Maryja Saŭčanka. — Chłopcy charaktaryzujucca stanoŭča, spartsmieny, biez škodnych zvyčak, da administracyjnaj abo kryminalnaj adkaznaści nie pryciahvalisia».
18-hadovyja chłopcy padtrymlivali pryjacielskija adnosiny, ale nie siabravali. Abodva stali prajaŭlać simpatyju da adnoj i toj ža dziaŭčyny.
«Dziaŭčyna addała pieravahu adnamu z maładych ludziej, druhomu heta nie spadabałasia, i jon vyrašyŭ usio-tki damahčysia jaje svojeasablivym sposabam. Chłopcy sustrelisia 11 maja pahavaryć i vyśvietlić adnosiny kančatkova. Pamiž imi pačaŭsia kanflikt, jaki pierajšoŭ u bojku. Vynikam stała złamanaja skivica. Paciarpieły źviarnuŭsia z zajavaj u milicyju», - raspaviadaje śledčy.
U dačynieńni da chłopca, jaki złamaŭ skivicu «kankurentu», raspačali kryminalnuju spravu za naŭmysnaje pryčynieńnie mienš ciažkaha cialesnaha paškodžańnia.
Sankcyi pradjaŭlenaj kryminalnaha artykuła praduhledžvajuć pakarańnie ad štrafu da pazbaŭleńnia voli na termin da troch hadoŭ.