Tvory z Vatykanskich muziejaŭ pakažuć u Biełarusi
Tvory z Vatykanskich muziejaŭ płanujecca vystavić u Biełarusi, paviedamlaje catholic.by.
satholic.by
Nacyjanalny mastacki muziej i Śviaty Prastoł pačali aktyŭna supracoŭničać u 2016 hodzie, tady ŭ Vatykanie adkryłasia vystava «Ikanapis Biełarusi XVII-XChI stahodździaŭ». Ekspazicyja pakłała pačatak dalejšamu ŭzajemadziejańniu ŭ śfiery kultury, ličyć hienieralny dyrektar NMM Uładzimir Prakapcoŭ. Razam z Nadzvyčajnym i Paŭnamocnym Pasłom pry Śviatym Prastole Siarhiejem Alejnikam u znak udziačnaści za arhanizacyjnuju dapamohu jon uručyŭ uznaharody i hanarovyja hramaty kiraŭnictvu i supracoŭnikam Vatykanskich muziejaŭ.
«My damovilisia, što ŭ nastupnym hodzie našy italjanskija kalehi prymuć udzieł u vystavie sučasnych ikanapiscaŭ, na jakoj buduć pradstaŭleny bolš za dziesiać jeŭrapiejskich krain. Taksama my praviali pierahavory nakont taho, kab u 2019 hodzie, kali nie raniej, pravieści vystavu ikon z kalekcyi Vatykanskich muziejaŭ u našym muziei, u ramkach śviatkavańnia jaho 80-hodździa», — adznačyŭ Uładzimir Prakapcoŭ. Jon raskazaŭ, što restaŭratary NMM buduć štohod prachodzić praktyku ŭ majsterniach Vatykanskich muziejaŭ. «I samaje hałoŭnaje: my damovilisia ab našych dalejšych kantaktach, u tym liku z Barbaraj Jataj (dyrektaram Vatykanskich muziejaŭ), jana budzie sadziejničać biełaruskim vučonym u pošuku mahčymych dakumientaŭ, źviazanych ź imiem Francyska Skaryny, jakija mohuć zachoŭvacca ŭ Vatykanskich muziejach», — pryvioŭ padrabiaznaści pierahavoraŭ kiraŭnik NMM.
U svaju čarhu Barbara Jata pryznałasia, što znajoma sa słavianskimi ikonami z samaha dziacinstva. Jaje maci maje ruskija karani. Jana zajmajecca ikanapisam i tamu była zaprošana vystavić svaje tvory ŭ Minsku. Na dumku dyrektara, supracoŭnictva ŭ śfiery mastactva čarhovy raz demanstruje, nakolki blizkaj źjaŭlajecca kultura jeŭrapiejskich krain.
Raźvićcio supracoŭnictva ŭ śfiery kultury maje vialikaje značeńnie dla imidžu Biełarusi ŭ śviecie, pierakanany Siarhiej Alejnik. Na jaho dumku, vystava biełaruskich ikon u Vatykanie mieła vialikaje značeńnie z punktu hledžańnia papularyzacyi kulturnaj spadčyny. «Jana była važnaj i z punktu hledžańnia ŭmacavańnia našych dvuchbakovych adnosin u śfiery kultury. My płanujem pradoŭžyć dyjałoh z kiraŭnictvam Vatykanskich muziejaŭ, abmierkavać novyja napramki supracoŭnictva», — dadaŭ dypłamat.