Statkievič padtrymaŭ Radzinu i prajšoŭsia pa «redaktaru hałoŭnaj apazicyjnaj haziety» dy «apostału nacyi, jaki ŭciok z krainy»
Palityk Mikoła Statkievič u fejsbuku padtrymaŭ Natallu Radzinu ŭ kanflikcie, jaki razhareŭsia ŭnutry «Chartyi'97».
«Napałochanyja zajdrościać mužnym. I šukajuć nizkich matyvaŭ u ich učynkach. Zdradnyja nienavidziać ćviordych. I abaraniajuć zdradnych, radasna vitajučy papaŭnieńnie svaich šerahaŭ. Słabyja nie lubiać mocnych. I ščaślivyja, kali ličać, što mocnaha prynizili. Voś sapraŭdnyja matyvy tych socień łajkaŭ pad pastami ź niadaŭnimi abvinavačvańniami ŭ bok kamandy «Chartyi-97», — miarkuje Statkievič.
Palityk niehatyŭna vykazaŭsia ŭ adras mnohich z «fejsbučnych maralistaŭ», jakija vysunuli abvinavačvańni ŭ bok Chartyi.
Statkievič zhadaŭ «byłoha apostała nacyi, jaki ŭciok z krainy ŭ časy najvialikšaj pahrozy niezaležnaści», a ciapier «bolš za 20 hadoŭ viadzie paklopnickuju kampaniju».
Dastałasia i «redaktaru hałoŭnaj apazicyjnaj haziety», jaki «vykazvaje škadavańnie, što inicyjatara apošniaj pieršamajskaj akcyi tolki pasadzili pad aryšt».
«Niezdarma va ŭsich apošnich «šedeŭrach» aficyjnaj prapahandy siarod abjektaŭ napadu abaviazkova jość pradstaŭniki Chartyi. A šaŭki režyma napadajuć na samych niebiaśpiečnych dla jaho. Toj vypadak, kali voraham varta vieryć. Tamu — trymajsia, Natalla! Trymajciesia siabry! Mužnaści, ćviordaści i sił vam!» — padsumoŭvaje Statkievič.
