Hraviury Rembranta dastaŭlenyja ŭ Minsk z Ryma
Hraviury Rembranta, vialikaha hałandskaha žyvapisca XVII stahodździa, dastaŭlenyja ŭ Biełaruś z Ryma, paviedamili BiełTA supracoŭniki mytni «Minsk-2».
«U Nacyjanalny aeraport Minsk rejsam Rym—Minsk prybyło 69 hraviur (afortaŭ) Rembranta. Kalekcyja ŭvachodzić u skład adnaho z bujniejšych zboraŭ hrafiki ŭ Jeŭropie i pryvieziena dla arhanizacyi vystavy aryhinalnych tvoraŭ vialikaha hałandca, jakaja projdzie z 5 maja pa 3 červienia ŭ Nacyjanalnym mastackim muziei Biełarusi», — raskazali ŭ mytni.
Mastackija kaštoŭnaści pry ŭvozie byli źmieščany supracoŭnikami mytni «Minsk-2» pad praceduru časovaha ŭvozu. Praduhledžanyja zakanadaŭstvam formy mytnaha afarmleńnia i kantrolu dla zachavańnia hrafika padrychtoŭki vystavy praviedzieny prafiesijna i ŭ samyja karotkija terminy ŭ aktyŭnym uzajemadziejańni sa słužbami Nacyjanalnaha aeraporta Minsk.