Hiermanija adklikała pasła ŭ Rasii dla kansultacyj
Heta źviazana z kibieratakami.
Pasoł Hiermanii ŭ Rasii Alaksandr Hraf Łambsdorf adklikany ŭ Bierlin dla kansultacyj, paviedamiŭ MZS Hiermanii. Heta źviazana z kibieratakaj na paštovyja skryni členaŭ kiroŭnaj partyi, u praviadzieńni jakoj Hiermanija abvinavaciła chakieraŭ HRU, piša Bild.
U minułuju piatnicu ministr zamiežnych spraŭ Hiermanii Analena Bierbak abjaviła, što, pavodle źviestak niamieckaj raźviedki, letašniuju kibierataku na paštovyja skryni kiraŭnictva Sacyjał-demakratyčnaj partyi Hiermanii praviali chakiery rasijskaj vajennaj raźviedki, a mienavita hrupoŭka APT28.
«Inšymi słovami, heta była arhanizavanaja dziaržavaj ataka na Niamieččynu ŭ kibierprastory, heta zusim nieprymalna i nie zastaniecca biez nastupstvaŭ», — zajaviła Bierbok u piatnicu padčas vizitu ŭ Aŭstraliju.
