Nota pratestu: litoŭski samalot niezakonna zalacieŭ na terytoryju Biełarusi
Biełaruś zajaviła pratest pa fakcie parušeńnia dziaržaŭnaj miažy Biełarusi litoŭskim pavietranym sudnam, paviedamlaje BiełTA.
«U Ministerstva zamiežnych spraŭ Biełarusi 22 krasavika byŭ vyklikany ambasadar Litoŭskaj Respubliki Andrus Pułokas. Padčas sustrečy kiraŭniku litoŭskaj dypmisii była ŭručana nota, u jakoj biełaruski bok zajaviŭ pratest u suviazi z zafiksavanym faktam parušeńnia Dziaržaŭnaj miažy Respubliki Biełaruś litoŭskim pavietranym sudnam», — adznačyli ŭ MZS.
Parušeńnie dziaržaŭnaj miažy z boku Litvy zafiksavana 19 krasavika 2017 hoda ŭ 13:40. Pavietranaje sudna pahłybiłasia na terytoryju Biełarusi na adlehłaść da 8 km i ŭ 13:43, ździejśniŭšy razvarot, vyjšła za miežy pavietranaj prastory Biełarusi. Uvieś čas znachodžańnia ŭ pavietranaj prastory Biełarusi samalot kantralavaŭsia srodkami supraćpavietranaj abarony. Biełaruski bok čakaje tłumačeńniaŭ z nahody incydentu, padkreślivajecca ŭ nocie MZS.
