Vandałaŭ, jakija razmalavali kaścioł u Rosi, znajšli — adzin ź ich napisaŭ na ścianie imia siabra
Stała viadoma, chto apahaniŭ kaścioł u Vaŭkavyskim rajonie, pieradaje pres-słužba UUS Hrodzienskaha abłvykankama. Incydent adbyŭsia ŭ pasiołku Roś Vaŭkavyskaha rajona. Nočču na 16 krasavika nieviadomyja apahanili kaścioł, pakinuŭšy na jaho ścianie nieprystojnyja nadpisy.
Supracoŭniki pravaachoŭnych orhanaŭ ranicaj pačali pošuki parušalnikaŭ. Praź niekatory čas udałosia vyśvietlić asoby padazravanych. Imi akazalisia miascovyja žychary 15-ci i 18-ci hod. Maładyja ludzi vypivali, kali im pryjšła ideja zrabić nadpisy na ścianie kaścioła. Pry dapamozie čyrvonaha markiera chulihany raśpisali na ścianie dyjałoh. A adzin ź ich nastolki ŭvajšoŭ u praces, što napisaŭ imia svajho tavaryša. Dadzieny fakt dapamoh apieratyŭnikam u vyznačeńni złamyśnikaŭ.
Praces «rośpisu» ściany kaścioła zdymaŭsia maładymi ludźmi na videa, pry hetym usie hetyja dziejańni jany aktyŭna supravadžali niecenzurnaj leksikaj. U dačynieńni da padazravanych raspačali kryminalnuju spravu pa častcy 1 artykuła 339 Kryminalnaha kodeksa.
