«Biełenierha» nahadvaje ab niebiaśpiecy rabić fota pablizu enierhaabjektaŭ
DVA «Biełenierha» nahadvaje ab niebiaśpiecy rabić fota pablizu enierhaabjektaŭ.
Pa infarmacyi «Biełenerha», u apošni čas na abjektach enierhasistemy fiksujucca vypadki paražeńniaŭ elektryčnym tokam niepaŭnaletnich amataraŭ ekstremalnych fota. Tak, dniami elektratraŭmaj skončyłasia sproba 16-hadovaha padletka zrabić udały zdymak u Pietrykaŭskim rajonie Homielskaj vobłaści. Niepaŭnahadovy žychar horada Minska pryjechaŭ pahaściavać da babuli i dziaduli. Adpraviŭsia ź siabram na špacyr, ubačyŭ budynak transfarmatarnaj padstancyi, jakaja znachodzicca na terytoryi byłoha sielskahaspadarčaha abjekta, i vyrašyŭ zrabić efiektnaje sełfi na druhim paviersie budynka.
«Pry hetym padletak vyrašyŭ padciahnucca na apornym vuhałku šynnaha mosta 10 kV, nabliziŭsia hałavoj na niedapuščalnuju adlehłaść da šyny fazy «A», u vyniku čaho byŭ traŭmavany elektryčnym tokam. Paciarpieły byŭ dastaŭleny ŭ balnicu z dyjahnazam «apioki ruk i ciemiannoj častki hałavy 2-j stupieni», — paviedamili ŭ «Biełenierha».
U krasaviku 2016 hoda ŭ horadzie Pietrykaŭ vučań škoły z hrupaj padletkaŭ znachodziŭsia na bierazie zatoki, pobač ź jakoj raźmieščanaja mačtavaja apora pavietrana-kabielnaj linii 10 kV. Dla praviadzieńnia fotazdymki padletak padniaŭsia na aporu, nabliziŭsia na niedapuščalnuju adlehłaść da pravadoŭ pavietranaj linii i byŭ śmiarotna traŭmavany elektryčnym tokam.
«Prymajučy pad uvahu čaściejšyja vypadki atrymańnia elektratraŭmaŭ padletkami padčas zdymak pablizu enierhaabjektaŭ, «Biełenierha» nahadvaje, što praniknieńnie na enierhietyčnyja abjekty ŭ pahoni za pryhožymi vidami śmiarotna niebiaśpiečnaje», — paviedamlajecca na sajcie «Biełenierha».
