MZS Ukrainy źviarnułasia da mižnarodnych arhanizacyj z zaklikam adreahavać na čarhovuju pravakacyju Kramla
Ministerstva zamiežnych spraŭ Ukrainy aficyjna nakiravała notu Śpiecyjalnaj manitorynhavaj misii ABSIE va Ukrainie (SMM) ab nieabchodnaści ŭzmacnieńnia prysutnaści SMM ABSIE ŭzdoŭž usioj administracyjnaj miažy z Aŭtanomnaj Respublikaj Krym i miažy Ukrainy z Rasijskaj Fiederacyjaj, u tym liku časova niekantralujemaha ŭčastka rasijska-ŭkrainskaj dziaržaŭnaj miažy, pryniaćci mier dla atrymańnia Misijaj doctupa ŭ Krym dla acenki situacyi na kantralavanaj rasijskimi akupacyjnymi siłami terytoryi ŭ adpaviednaści z rašeńniem № 1117 Pastajannaj Rady ABSIE pa raźmiaščeńni Śpiecyjalnaj manitorynhavaj misii ABSIE va Ukrainie.
MZS taksama źviarnułasia z prośbaj da SMM, Mižnarodnaha kamiteta Čyrvonaha Kryža i manitorynhavaj misii AAN pa pravach čałavieka va Ukrainie pryniać miery dla atrymańnia dostupu da zatrymanych akupacyjnymi ŭładami hramadzian Ukrainy, u pryvatnaści, Jaŭhiena Panova.
Adnačasova na zapatrabavańnie delehacyi Ukrainy ŭ Radzie Biaśpieki AAN praciahvajucca zakrytyja kansultacyi RB AAN pa razhladzie pytańnia ab pravakacyjnych zajavach Rasijskaj Fiederacyi adnosna Ukrainy.
