U Pieciarburhu aŭtobus z 20 pasažyrami zvaliŭsia ŭ vadu. Jość zahinułyja
Aŭtobus urezaŭsia ŭ dva aŭtamabili, prabiŭ aharodžu i ŭpaŭ u vadu.
Fontanka.ru
Paviedamleńni ab padzieńni aŭtobusa ŭ raku Mojku niepadalok ad Kansiervatoryi stali pastupać krychu paźniej za 13:00.
Jak raspavioŭ Fontanka.ru adzin ź vidavočcaŭ, aŭtobus urezaŭsia ŭ dva aŭtamabili, prabiŭ aharodžu i ŭpaŭ u vadu. Na miesca zdareńnia prybyli miedyki i palicyja.
U vadzie mahło znachodzicca da 20 čałaviek.
Fontanka.ru
Aŭtobus naležyć TAA «Taksi». Pradstaŭnik pieravozčyka paviedamiŭ, što abstaviny zdareńnia vyśviatlajucca.
Pa stanie na 14.28 pieciarburhskija ratavalniki dastali ŭsich pasažyraŭ z aŭtobusa, jaki patanuŭ u Mojcy, u sałonie nikoha nie zastałosia. Vyratavany vosiem čałaviek, jašče kala dziesiaci pasažyraŭ vybralisia samastojna.
Fontanka.ru paviedamiła, što zahinuli šeść čałaviek.
