Marynie Zołatavaj prysudzili mižnarodnuju premiju Jochana-Filipa Pałma
«Pierad abliččam vielizarnych pieraškod i represiŭnych mier Maryna Zołatava pakazała siabie jak čałaviek niezvyčajnaj mužnaści i sumlennaści», ličać «Reparciory bieź miežaŭ».
Maryna Zołatava. Žnivień 2020 hoda. Fota: Naša Niva
Marynie Zołatavaj prysudzili mižnarodnuju premiju Jochana-Filipa Pałma. Na premiju hałoŭnaha redaktara Tut.by naminavała pravaabarončaja arhanizacyja «Reparciory bieź miežaŭ». Razam z Marynaj Zołatavaj jaje taksama atrymaje afhanskaja redakcyja Zan Times. Uručeńnie projdzie ŭ śniežni 2024 hoda ŭ niamieckim horadzie Šorndorf, piša Deutsche Welle.
«Pierad abliččam vielizarnych pieraškod i represiŭnych mier Maryna Zołatava pakazała siabie jak čałaviek niezvyčajnaj mužnaści i sumlennaści», — ličać «Reparciory bieź miežaŭ» i apiakunskaja rada fondu Palm.
Marynu Zołatavu zatrymali try hady tamu, 18 traŭnia 2021 hoda, padčas pahromu Tut.by. U sakaviku 2023 hoda jaje razam z hiendyrektaram Ludmiłaj Čekinaj sud pryhavaryŭ da 12 hadoŭ pazbaŭleńnia voli. Pryznačany termin jany adbyvajuć u kałonii ŭ Homieli.
Pavodle infarmacyi «Reparcioraŭ bieź miežaŭ», Biełaruś zajmaje treciaje miesca ŭ śviecie pa kolkaści źniavolenych žurnalistaŭ. U suśvietnym rejtynhu svabody presy kraina zajmaje 167 pazicyju — sa 180 mahčymych.
