MTS raspavioŭ, u jakija dni nielha budzie papoŭnić rachunak, life:) papiaredziŭ pra pieraboi z apłataj
Apieratar MTS pry dapamozie SMS papiaredziŭ abanientaŭ ab tym, kali nielha budzie papoŭnić rachunak u suviazi z denaminacyjaj i paprasiŭ pakłapacicca pra stanoŭčyja rachunki zahadzia.
Cikava, što raniej apieratar užo paviedamlaŭ pra mahčymyja prablemy, ale tady farmuloŭka była nie takoj žorstkaj: 30 červienia i 1 lipienia «abanienty MTS mohuć sutyknucca z zatrymkami taryfikacyi pasłuh i zaličeńnia płaciažoŭ abo ich abmiežavańniem».
Z dapamohaj SMS svaich abanientaŭ raniej papiaredziŭ i life:). Havorka idzie pra «mahčymyja» prablemy, ale termin pry hetym pavialičany pa 4 lipienia.
Na momant publikacyi nijak nie papiaredžvaŭ svaich abanientaŭ tolki velcom. Mahčyma, apieratar zrobić heta ŭ najbližejšy čas.
Internet-pravajdary taksama zahadzia papiaredzili svaich klijentaŭ. U pryvatnaści, «Biełtelekam» padrabiazna raspavioŭ pra toje, ź jakimi servisami mohuć uźniknuć prablemy ŭ pierachodny pieryjad, a «Atłant Telekam», jak i life:), paviedamiŭ, što «ŭźniknieńnie ciažkaściaŭ apłaty pasłuh mahčyma z 30 červienia pa 4 lipienia».
