Parašenka: Krym budzie mieć status nacyjanalnaj aŭtanomii ŭ składzie Ukrainy
Prezident Ukrainy Piatro Parašenka zajaviŭ ab raspracoŭcy «darožnaj karty» pa nadańni Krymu statusu nacyjanalna-terytaryjalnaj aŭtanomii ŭ składzie Ukrainy. Pra heta havorycca ŭ pryvitańni Piatra Parašenki ŭdzielnikam II Suśvietnaha kanhresa krymskich tataraŭ, jaki prachodzić u Turcyi. Tekst apublikavany na sajcie Parašenki.
«My stvaryli dziaržaŭnyja ŭstanovy, jakija zajmajucca realizacyjaj dziaržaŭnaj palityki ŭ dačynieńni da Kryma. <…> U našych płanach raspracoŭka «darožnaj karty» adnosna pradastaŭleńnia Krymu — na histaryčnaj radzimie krymska-tatarskaha naroda — statusu nacyjanalna-terytaryjalnaj aŭtanomii ŭ składzie ŭkrainskaha dziaržavy», — zajaviŭ Parašenka.
Parašenka taksama zapeŭniŭ, što Ukraina «nikoli, ni pry jakich umovach nie źmirycca z parušeńniem pravoŭ svaich hramadzian, pravoŭ čałavieka, pravoŭ krymskatatarskaha naroda svabodna žyć na svajoj ziamli».
