U branskim manastyry znojdziena plita z Pahoniaj časoŭ Vialikaha Kniastva Litoŭskaha VIDEA
Histaryčny artefakt, znojdzieny ŭ Śvienskim manastyry, nahadaŭ pra pieryjad znachodžańnia Branskich ziamiel u składzie Vialikaha Kniastva Litoŭskaha.
Biełaja kamiennaja plita z vyjavaj hierba VKŁ, vyjaŭlenaja padčas restaŭracyjnych rabot u manastyry. Znachodka moža datavacca XIV-XV stahodździem i nie padobnaja ni na adzin ź pierš vyjaŭlenych pomnikaŭ siaredniaviečča. U tyja dalokija stahodździ Branskaja ziamla amal 150 hadoŭ ŭvachodziła ŭ Litoŭskaje kniastva, adnak da hetaha dnia padobnych artefaktaŭ taho času jašče nie znachodzili.
Navukovy śviet užo pryznaŭ unikalnaść histaryčnaj znachodki, paviedamlaje VHTRK «Bransk». Dakład supracoŭnika Branskaha krajaznaŭčaha muzieja Śviatłany Nikulinaj «Ściannaja plita z vyjavaj hierba «Pahonia» sa Śvienskaha Śviata-Uśpienskaha manastyra» byŭ pradstaŭleny na mižnarodnaj kanfierencyi «Pytańni epihrafiki».
Nie vyklučana, što historykaŭ i archieołahaŭ čakajuć novyja adkryćci na terytoryi manastyra.
