Sa Šviejcaryi ź pieramohaj! «Ciurych» – «Dynama» (Minsk) – 0:1
Prajšoŭ pieršy matč treciaha kvalifikacyjnaha raŭnda futbolnaj Lihi Jeŭropy. Adziny pradstaŭnik Biełarusi, jaki praciahvaje zmahańnie ŭ hetym turniry, siońnia sustrakaŭsia ŭ haściach z šviejcarskim «Ciurycham».
Bukmiekiery pierad hulnioj ličyli haspadaroŭ biezumoŭnym favarytam sustrečy. Pieramoha «Ciurycha» rasceńvałasia z kaeficyjentam 1 da 1,5. Pieramoha «Dynama» – 1 da 6. Moža, mienavita tamu šviejcarskija zaŭziatary słaba zapoŭnili stadyjon. Dumali, nu biełarusaŭ raskatajem biez prablem, a ŭ nastupnym raŭndzie prydziem na bolš mocnaha supiernika.
«Dynama» ž padniesła siurpryz. Kamanda nadziejna zhulała ŭ abaronie. A taksama realizavała šaniec u atacy. Adziny hoł u matčy byŭ zabity ź pienalci na 63-jaj chvilinie hulni Fatasam Biečyrajem.
Sustreča ŭ adkaz projdzie 6 žniŭnia ŭ Breście. Pačatak a 20:30. Mabyć, zapaŭnialnaść trybun paśla takoha vyniku budzie harantavanaj.